يمي يمي
سارب يعجبكم وتشتهونه
::الجريش::
نقطع بصل كثيرونحطه بقدر الجريش الخاص اللي وسيع من تحت وضيقة فتحته من فوق شوي
نضيف له صدور الدجاج والماء كلهم على بعض نخليهم يطبخون الى ان يستوي الدجاج
نطلع الدجاج ونفتته ونشيل العظم ونرجعه ثاني للقدر
بعد كذا طوالي نحط الجريش اللي نقعناه مع الرز المصري لمدة ساعة..والملح.والماجي الابيض(مو الاصفر انتبهي)لانه يغمق الجريش واحنا نبيه ابيض ناااااصع
والرز يكون ربع كمية الجريش او اكثر بشوي..يعني لو كاستين جريش يكون الرز نص كاس او ثلاث ارباع الكاس
المهم نخلي الجريش والرز يطبخون بماء الدجاج مع البصل
اذا حسينا ان الرز شوي صار لين هو والجريش في هالوقت نضيف الحليب السائل يعني مانضيفه قبل كذا لاء انتبهوا..مع اصبع زبدة لان مثل ماتلاحظون ماحطينا بالجريش اي دهون,,وكانت الوالدة اول الله يخليها لنا تضيف قطعة شحمة بيضاء تقول انها تبيضه وتطعمه وتملسه(يعني يصير املس) فممكن تستعيضين عن الشحم باصبع زبدة ونكهته مرة حلوة بالجريش
ثم ندخله الان جوا الفرن ليكمل انصهاره على نار هاااادئة مدة ساعتين تقريبا
وممكن تضيفين معه شوي لبن,,وممكن لاء(حسب رغبتك)انا شخصيا بس الحليب اللي اضيفه
ونستمر بالتحريك كل ثلث ساعة تقريبا
نضيف عليه حليب سائل اذا حسينا انه محتاج (سائل)..ثم نحط حبحر من دون فتح
ونرجعه الفرن يكمل سواه,,
اذا حسينا انه وصل لقوام الجريش الطبيعي في هالحاله نطلعه من الفرن وندقة بالمغرفة حقة الجريش(خاصة) او مغرفة الشوربة للي ماعندها
ونغرفه بالحافظة ونحط على وجهه الحشوة اللي ذكرتها باول الموضوع
وشوي شوي على اصابعكم وصحونكم لاتلهطونها
والف الف عافية
